Zıman u Netewesazi_{Lehurbunek Li Ser Kovara Haware}

Ronayî Onen di vê xebata xwe de, di zemîneke teorîk a aloz de, rêça pêvajoya netewesaziyê digerîne. Mijarên bingehîn ên pirtûkê kovara Hawarê û rewşenbîrên kurd in ku li dor vê kovarê hatine gel hev û ji bo netewesaziyeke bingeh-zimanî têkoşiyane.

Li gel ku tercîha wê ya têgîna netewesaziyê nîşan dide ku di têgihîştina neteweperweriyê de tercîheke dozîneyî ya li gel nêzîkayiyên sazkar helwest girtiye, dema ku mirov pirtûkê dixwîne dixuye ku wateya ku wê bixwe li têgîna sazkirinê bar kiriye ji wateya ku ev têgîn di nav nîqaşên neteweperweriyê yên li Tirkiyeyê de cih girtiye cuda ye. Ew bi xwe pêvajoya netewesaziyê di peywendiyeke kolonyal de bi cih dike û têkoşîna netewesaziya bindestan wekî têkoşîneke dij-kolonyal dinirxîne.

Ronayî Onen, ji rojnameyên Kurdistanê û Kürd Teavün ve Terakki Gazetesi, kovarên Roj-î Kurd, Hetaw-î Kurd û Jînê, heta kovara Hawarê ku bingeha vê xebatê ye, di bergeheke nîv-sedsalî de di nav rûpelên weşanên navborî de bi awayekî bihîzyar xebateke arkeolojîk meşandiye û nîşan daye ku awayên têkoşînê yên netewesaziyê ku navend-zimanî ne çawa bi awayên din ên têkoşînê ve honandî ne.