Ruhe Xwebüne

Nivîsên di kovara Hawarê de belavbûyî, li ser xeta ramanî ya netewesaz in; û ji ber ku bi hişberîyeke zimanî û bi hizir û ramaneke danandî hatine nivîsîn, em dikarin wan di armanca netewesazîyê de wekî hîm û bingeh qebûl bikin. Digel vê jî, ji alî rengê kreolîzebûna zimanî ve, Hawar, bi wateya Fanonîst, ji weşînekên pêşrewên xwe ‘reştir' e û bi wateya neteweyî jî xwedî rengê xwe yî ‘gewr' e.

Em dikarin ‘qonaxa xwebûnê' ya ziman û wêjeya Kurdî ya ku bi derçûna Hawarê ve pêk hatiye, wekî ‘qonaxa avabûna wêjeya neteweyî' jî bi nav û pênase bikin ku di heman demê de, bi vî rengê xwe û bi vê mîsyon û kargînîya xwe ve jî; helwest, kirin û pêkanîneke dij-mêtinger e.